Sermon on the Mount
ព្រះយេស៊ូ ទតឃើញមហាជនទាំងនេះ, ព្រះអង្គ យាងឡើងទៅលើភ្នំ, រួចព្រះអង្គ គង់នៅទីនោះ។ សិស្សនាំគ្នា ចូលមកគាល់ព្រះអង្គ។ ព្រះអង្គ ក៏មានព្រះបន្ទូលបង្រៀនគេថា៖
កុំថ្កោលទោសអ្នកដទៃ
«កុំថ្កោលទោស អ្នកដទៃអោយសោះ, ដើម្បី កុំអោយព្រះជាម្ចាស់ ថ្កោលទោស អ្នករាល់គ្នា។ បើអ្នករាល់គ្នា ថ្កោលទោសគេយ៉ាងណា, ព្រះជាម្ចាស់ ក៏នឹងថ្កោលទោស អ្នករាល់គ្នា យ៉ាងនោះដែរ។ ព្រះអង្គ នឹងវាល់អោយអ្នករាល់គ្នា តាមរង្វាល់ ដែលអ្នករាល់គ្នា វាល់អោយអ្នកដទៃ។
«ហេតុអ្វី បានជាអ្នក មើលឃើញល្អងធូលី នៅក្នុងភ្នែកបងប្អូន, តែមើលមិនឃើញ ធ្នឹម នៅក្នុងភ្នែក របស់អ្នក ដូច្នេះ? បើមានធ្នឹម នៅក្នុងភ្នែក របស់អ្នក, ម្ដេច ក៏អ្នកនិយាយទៅបងប្អូនថា “ទុកអោយខ្ញុំ ផ្ដិតយកល្អងធូលី ចេញពីភ្នែកអ្នក”? មនុស្សមានពុតអើយ! ចូរយកធ្នឹមចេញពីភ្នែកអ្នក ជាមុនសិន, ទើបអ្នក មើលឃើញច្បាស់, ល្មម នឹងផ្ដិតយក ល្អងធូលី ចេញពីភ្នែក របស់បងប្អូនអ្នកបាន។
«កុំយក អ្វីៗដែលជារបស់វិសុទ្ធ
ទៅអោយឆ្កែឡើយ, ហើយ ក៏កុំបោះត្បូងពេជ្រ របស់អ្នករាល់គ្នា នៅមុខជ្រូកដែរ, ក្រែងលោវាជាន់ឈ្លី, រួច បែរមកត្របាក់ខាំ អ្នករាល់គ្នាវិញ។
អំពីរបៀបដែលត្រូវអធិស្ឋាន
«ចូរសុំ, នោះ ព្រះជាម្ចាស់ នឹងប្រទានអោយអ្នករាល់គ្នា។ ចូរស្វែងរក, នោះ អ្នករាល់គ្នា នឹងបានឃើញ។ ចូរគោះទ្វារ, នោះ ព្រះអង្គ នឹងបើកអោយអ្នករាល់គ្នាជាពុំខាន។ ដ្បិតអ្នកណាសុំ, អ្នកនោះ តែងតែបានទទួល។ អ្នកណាស្វែងរក, អ្នកនោះ តែងតែបានឃើញ។ ហើយ គេតែងតែបើកទ្វារអោយ អ្នកដែលគោះ។
«ក្នុងចំណោមអ្នករាល់គ្នា, បើកូនសុំនំបុ័ង, មិនដែលមាននរណា យកដុំថ្ម អោយគេឡើយ។ ហើយ បើកូនសុំត្រី ក៏មិនដែលមាននរណា យកពស់អសិរពិស អោយគេដែរ។ សូម្បីតែអ្នករាល់គ្នា
ដែលជាមនុស្សអាក្រក់ ក៏ចេះអោយ របស់ល្អៗទៅកូន, ចុះចំណង់ បើព្រះបិតា របស់អ្នករាល់គ្នា, ដែលគង់នៅស្ថានបរមសុខ, តើព្រះអង្គ នឹងប្រទានអ្វីៗដ៏ល្អៗ អោយអស់អ្នក ដែលទូលសូម ពីព្រះអង្គ យ៉ាងណាទៅទៀត! ដូច្នេះ បើអ្នករាល់គ្នា ចង់អោយអ្នកដទៃ ប្រព្រឹត្តចំពោះខ្លួនបែបណា, ត្រូវប្រព្រឹត្ត ចំពោះគេ បែបនោះដែរ។ គម្ពីរវិន័យ និងគម្ពីរព្យាការី មានចែងទុកមកដូច្នេះឯង។
ទ្វារចង្អៀត
«ចូរនាំគ្នា ចូលតាមទ្វារចង្អៀត, ដ្បិតទ្វារ ដែលនាំទៅរកសេចក្ដីវិនាសអន្តរាយ ធំណាស់, ហើយ ផ្លូវទៅរកសេចក្ដីវិនាស ក៏ទូលាយដែរ។ មានមនុស្សជាច្រើនចូលតាមទ្វារនោះ។ រីឯ ទ្វារ ដែលនាំទៅរកជីវិត ចង្អៀត, ហើយ ពិបាកដើរផង។ មានមនុស្សតិចទេ រកផ្លូវនោះឃើញ។»
2 comments:
Jesus did not advocate social justice in all his teachings!
Post a Comment